Waz ist für daz trûren guot (Dietmar von Aist)
Aus ELibraryAustria
Autoren: A B C D E F G H I J K L M N O P Q R S T U V W X Y Z - | - Werke: A B C D E F G H I J K L M N O P Q R S T U V W X Y Z
Waz ist für daz trûren guot
- waz ist für daz trûren guot
- daz wîp nâch lieben manne hât
- gerne daz mîn herze erkande
- wan ez sô betwungen stât
- alsô redete ein frouwe schoene
- an ein ende ich des wol koeme wan diu huote
- selten sîn vergezzen wirt
- in mînem muote
- genuoge jehent daz grôziu staete
- sî der beste frouwen trôst
- des enmag ich nigt gelouben
- sît mîn herze ist unerlôst
- alsô redeten zwei geliebe
- dô si von ein ander schieden ôwê minne
- der dîn âne möhte sîn
- daz waeren sinne
- sô al diu werelt ruowe hât
- sô mag ich eine entslâfen niet
- daz kumt von einer frouwen schoene
- der ich gerne waere liep
- an der al mîn frôude stât
- wie sol des iemer werden rât joch waene ich sterben
- wes lie se got mir armen man
- ze kâle werden
.
